Салқындатқыш сұйықтықты қалай дұрыс қосып толтыру керек

Салқындатқыш сұйықтықты толтыру ережелерін әр автомобильші білуі керек. Бұл мәселе салқындатқыш сұйықтық деңгейінің төмендеуі мәселелерін шешу барысында пайда болады. Сұйықтық жеткіліксіз болған кезде қозғалтқыштың нашар салқындауы қаупі бар, сәйкесінше қызып кетуі мүмкін, бұл қозғалтқыш бөлшектеріне қатты зақым келтіруі мүмкін. Антифризді толтыруға болады, бірақ мұны салқындатқыш сұйықтығы түріне және процедураның реттілігіне қатысты мәселелерді түсініп, біліп, дұрыс жасау керек. Бұл мақалада біз салқындатқыш сұйықтықты қалай дұрыс қосу керектігі туралы сөйлесеміз.

Антифриз – бұл жылуды кетіретін және осылайша қызған қозғалтқышты салқындататын арнайы сұйықтық, ал төмен мұздату температурасының арқасында бұл процесс температураның кең диапазонында тиімді жүреді. Бұл антифриз құрамындағы су мен спирттің оңтайлы қатынасына байланысты мүмкін болады. Өз кезегінде, қоспалар пакеті коррозия тежегіштерін қолдану арқасында автомобиль бөлшектерін коррозиядан қорғауға мүмкіндік береді.

Ауыстыру үшін антифриз таңдау

Көбінесе, антифриздің ағуы болған кезде, автомобильге құйылғанға ұқсас салқындатқыш сұйықтықты сатып алып, оны жүйеге азайған сұйықтықтың үстіне қосымша құя салу жеткілікті деп ойлаймыз. Алайда, бұл дұрыс шешім емес. Сіздің әрекеттеріңіз нақты жағдайға байланысты болуы керек.

Антифризді құймас бұрын, дұрыс шешім қабылдау үшін, екі себепті анықтау керек. Егер сұйықтықтың ағып кеткеніне сенімді болсаңыз, онда Сіз автокөлігіңіздің нұсқаулығында көрсетілген антифризді құя аласыз. Ал егер, салқындатқыштың қайнап кетуі жағдайында жүйеге тек дистилденген, яғни тазартылған су құю қажет.

Ең дұрысы, салқындатқышты үстіне құйып толтыру қажет болса, өзіңіздің автокөлігіңіздің өндірушісі ұсынған салқындатқыш сұйықтықты немесе бұрын құйылған салқындатқышты ғана пайдалану керек. Өйткені, бұл нұсқауды сақтамаған жағдайда, салқындату жүйесінің дұрыс жұмыс істемеуіне әкелуі мүмкін. Егер жалпы көлемнің 30% – дан астамын құю қажет болса немесе автокөлігіңіздің қозғалтқышына қандай антифриз құйылғанын білмесеңіз, толығымен жаңа сұйықтық құйған дұрыс.

Көптеген адамдар антифриздер түсімен ерекшеленеді деп ойлайды, бірақ ол қате ұғым, олар құрамы бойынша ерекшеленеді. Тиісінше, карбоксилат антифриздерін тек карбоксилат антифриздерімен, ал гибридтілерді гибридті антифриздермен ғана араластыруға болады, алайда әртүрлі типтегі салқындатқыш сұйықтықтарды араластыруға қатаң тыйым салынады. Бүгінгі таңда сатылымда құюға толығымен дайын антифриздер де, сондай-ақ концентраттар да толып тұр. Бұған ерекше назар аударыңыз, өйткені концентратты орамдағы нұсқауларға сәйкес сұйылтылмаған күйде қолдануға болмайды.

Бөлісу:

Оқи отырыңыз: